„s‘ Geistli“ isch der natür Weichchäs vor Schweli-Spez.

Er isch sehr aromatisch für ne Weichchäs, dür die mindestens drei wüchegi Lagerzyt. D' Rinde isch fin im Biss u dr Chärn isch bi Rumtämperatur so weich das er fasch fliässt.

Dr Drachefüür isch dürne Gwürzmischig relativ ä scharfe Weichchäs. Är het die gliche eigeschafte wie s' Geistli was dr Biss u ds fliässe betrift.

Dür Gwürz het dr Chärn e schöhni rötlichi Farb u isch einzigartig im Gschmack.

Bim Kümi si ganzi Krüzkümi dri verarbeitet, dür die richtigi mängi entsteit die perfekti Harminie zwüsche Weichchäs, wi s'Geistli, u dr gschmack vo Kümi.

Dr Gröikt isch äs s'Geistli wo im Rouchofe het dörfe ga verwile und dür das gschmaklich nach Rouch schmöckt.

Advänts-Chäs

Vo ca. afangs Novämber bis 25ist Dezämber isch dr Advänts-Chäs aktuell. Ä Weichchäs mit dr Schweli-Spez Eigeschaft u menä liechte Zimtgschmack im Abgang.

Die Weichchäsvariante isch sehr Empfälenswert für Zimmtliebhaber.

Früelig

Im Früelig chunnt mä umä Bärloch gar nid drum herum.  Bärlouch fin gschnitte u direckt i Weichchäs vo Schweli-Spez verarbeitet mit äm höche riifegrad isch är einzigartig.

Dr Bärloch Weichchäs isch ca. ab mitti Februar erhäutlich.

Summer

Mit dr Wermi vom Summer chunnt ou dr Schnittlouch zum vorschin.

Weichchäs verschmeutzt mit früschem Schnittlouch.