Plouschchäse

Zur Zyt isch ds Plouschchäse leider nid müglich!!!

I aus Fachmaa bi drby we Dir öppe us 80 Liter Miuch e Raglettchäs machet. I verzeue de o öppis über d Kunscht vom Chäsmache vor Miuch bis zum fertige Chäs.

Öie Chäs wird de im Chäslager vor Gourmino AG usgryft u nach öppe 4 bis 6 Monet chöt Dir de öie eigene Chäs bir Schweli-Spez abhole  u de chöit dir dr gmüetlech Raglett-Aabe afe plaane.

Bir Schweli-Spez chöit Dir de nach em Chäse äs Apero giesse. Das heisst, i serviere Öich vo mine eigene Weichchäs u o angere Chäs us dr Region, drzu Brot oder Ämmitauer Züpfe u z Treiche was Dir weit.

So öppis isch für Gruppe vo 2 bis 15 Lüt däicht u duuret öppe 2 bis 3 Schtung. Bi grössere Gruppe cha me o zwöi Chäsete düreführe, während die erschti Gruppe süsch no uf em Areal by üs öppis cha mache.

http://www.plauscherlebniscenter.ch

Heit Dir Interässe? Tüet eifach das Formular da unge usfüeue u de chont e choschtelosi u unverbidlichi Offerte!